Cwestiynau cyffredin

Taith Gerdded y Draenogod yw her codi arian flynyddol yr Ymddiriedolaethau Natur sydd wedi’i dylunio’n arbennig ar gyfer archwilwyr bach, lle rydyn ni’n gofyn i deuluoedd, ysgolion, clybiau a grwpiau dysgu gerdded 3km rhwng 31ain Mawrth a 30eg Ebrill a chodi arian ar gyfer ein gwaith hanfodol ni.

Fe allwch chi wneud Taith Gerdded y Draenogod yn unrhyw le! Digwyddiad codi arian rhithwir ydi Taith Gerdded y Draenogod, sy’n golygu y gallwch chi gwblhau eich her lle bynnag rydych chi’n dymuno. 

Fe wnaethon ni enwi ein her yn Daith Gerdded y Draenogod oherwydd ein bod ni eisiau i chi a'ch rhai bach gerdded 3km dros gyfnod o fis ac mae astudiaethau wedi dangos bod draenogod yn gallu cerdded hyd at 3km yn ystod y nos wrth chwilota am fwyd! 

Rydyn ni’n annog pawb i godi allan i fyd natur os ydi hynny’n bosib, ond rydyn ni’n deall nad ydi llefydd gwyllt yn hygyrch i bawb (eto). 

Os nad oes gennych chi fynediad i ofod gwyllt, fe allwch chi gwblhau eich her lle bynnag y gallwch chi. Fe allech chi wneud y canlynol: 

• Mynd am dro drwy eich parc lleol, cae chwarae neu yn eich gardd 

• Cerdded i'r ysgol bob dydd drwy gydol Taith Gerdded y Draenogod 

Os ydych chi eisiau help neu gyngor i ddod o hyd i lwybrau cerdded lleol, fe allech chi wneud y canlynol: 

• Dod o hyd i'ch Ymddiriedolaeth Natur leol 

• Dod o hyd i'ch gwarchodfa natur agosaf 

•Dod o hyd i lwybr cerdded yn eich ardal chi 

Os ydych chi'n cwblhau Taith Gerdded y Draenogod fel ysgol neu grŵp dysgu, mae gennym ni lawer o syniadau i'ch helpu chi a’ch rhai bach i gwblhau eich her. Ewch i'n tudalen adnoddau ni i gael gwybod mwy. 

Fe allwch chi ddefnyddio'r platfform Raisely i gofrestru a chreu tudalen codi arian - dewiswch ymuno fel unigolyn, teulu, ysgol, clwb, neu grŵp. 

Defnyddiwch y dudalen mewngofnodi ar Raisely - os ydych chi wedi anghofio eich cyfrinair, dilynwch y camau adfer cyfrinair. 

Yn sicr - defnyddiwch y dolenni rhannu o'ch dangosfwrdd Raisely i bostio drwy e-bost, ar gyfryngau cymdeithasol, neu drwy negeseuon. 

Nac oes, mae ymuno â her Taith Gerdded y Draenogod am ddim. Bydd pawb sy'n codi £30 drwy ein tudalennau codi arian ni’n derbyn clwtyn gwnïo (cyfyngedig i un fesul pob tudalen codi arian) 

Pan fyddwch chi’n cofrestru, fe allwch chi ddewis yr opsiwn i greu tîm ac anfon gwahoddiadau at aelodau eraill o'ch tîm i ymuno. Hefyd mae opsiwn i ddod o hyd i dîm sy'n bodoli eisoes pan fyddwch chi'n cofrestru drwy nodi enw'r tîm. 

Drwy godi arian ar gyfer Taith Gerdded y Draenogod, bydd eich rhoddion yn cefnogi cenhadaeth yr Ymddiriedolaethau Natur i warchod 30% o’r tir a’r môr ar gyfer byd natur erbyn 2030 fel rhan o'n hymgyrch 30 erbyn 30 ni. Bydd hyn yn ein helpu ni i wneud mwy o lefydd i ddraenogod fel Apricot a moch daear fel Stripey fyw. 

Ar ôl creu eich tudalen codi arian, rhannwch y ddolen - gall cefnogwyr gyfrannu rhoddion yn uniongyrchol drwy Raisely. 

Cyflwynwch y cyfraniad yn faniwal drwy eich tudalen codi arian ar-lein, fel ei fod yn cael ei dracio ac yn cyfrif tuag at eich nod. 

Fel arall, fe allwch chi dalu unrhyw roddion all-lein drwy'r botwm cyfrannu ar wefan yr Ymddiriedolaethau Natur ond ychwanegwch nodyn yn y maes testun yn dweud "Taith Gerdded y Draenogod - ffurflen nawdd i ddilyn" oherwydd does dim modd i ni hawlio cymorth rhodd ar yr arian yma. Mae croeso i chi hefyd anfon siec wedi'i hamgáu gyda'r ffurflenni.

 Dylai'r siec fod yn daladwy i The Royal Society of Wildlife Trusts.  Mae posib anfon ffurflenni nawdd wedi’u hargraffu a sieciau i The Wildlife Trusts, Mather Road, The Kiln, Newark, NG24 1WT. 

Bydd pawb sy’n codi £30 drwy ein tudalennau codi arian ni’n derbyn clwtyn gwnïo (cyfyngedig i un fesul pob tudalen codi arian), yn ogystal â thystysgrif y byddwn yn ei hanfon atoch chi ar e-bost ar ôl i’r her ddod i ben. 

Os ydych chi'n cymryd rhan yn Nhaith Gerdded y Draenogod fel ysgol, clwb neu grŵp dysgu ac yn codi £30, bydd eich rhai bach yn derbyn taflen sticeri Taith Gerdded y Draenogod (wedi'i chyfyngu i un ar gyfer pob tudalen codi arian) i ddweud diolch! Bydd ysgolion hefyd yn derbyn poster wedi’i argraffu am godi £30. 

Ar ôl i chi gofrestru i gymryd rhan, byddwch yn derbyn e-bost gennym ni gyda dolenni i'ch adnoddau Taith Gerdded y Draenogod (gwnewch yn siŵr eich bod yn edrych yn eich ffolder jync!) 

Mae draenogod yn rhywogaeth nosol ac ni ddylid tarfu arnyn nhw yn ystod y dydd. Ond gallai cymryd rhan yn Nhaith Gerdded y Draenogod eich ysbrydoli chi i helpu ein ffrindiau pigog ni ac mae gennym ni lawer o adnoddau i'ch helpu chi i ddechrau arni. Mae gan ein tudalen rhywogaeth ni ar gyfer y draenog lawer o wybodaeth lle gallwch chi ddysgu mwy am ddraenogod. Fe allwch chi hefyd fynd i'n tudalen helpu draenog ni a dysgu mwy am y bygythiadau maen nhw'n eu hwynebu. 

Gwobrau digidol yw bathodynnau rydych chi'n eu hennill am gerrig milltir fel camau a gymerwyd neu arian a godwyd. Maen nhw ar gael i chi yn eich dangosfwrdd Raisely. 

Mae hynny'n iawn, mae pethau'n codi! Cysylltwch â ni ac fe allwn ni ddileu eich tudalen codi arian o'r ymgyrch. 

Oes, fe allwch chi anfon e-bost atom ni ar hello@wildlifetrusts.org neu ein ffonio ni ar 01636 677711.